Në Fakultetin e Ekonomisë, pedagogë, ekspertë dhe studentë morën pjesë të Martën, me datë 10.05.2022 në forumin “Kursimi apo investimi - kur është koha?”
Depozitat e kursimeve janë një çështje personale dhe familjare, por lidhen po ashtu dhe me zhvillimin ekonomik dhe financiar të një vendi. Janë rezerva potenciale që po të lëvizin me efektivitet, si duhet dhe kur duhet, kanë ndikim jo vetëm tek individi dhe familja, por dhe tek gjithë zhvillimi shoqëror i një vendi.
Forumi është pjesë e projektit studentor që po zbaton prej rreth dy muajsh ABC Tirana Club dhe është Edicioni i Katërt i programit “Edukimi ekonomik dhe financiar i publikut” që ka nisur prej vitit 2019.
Në hapje të diskutimit Prof. Dhori Kule vlerësoi iniciativën e studentëve, të cilët po bashkëpunojnë dhe me pedagogët për të kontribuar në problematikat me natyrë ekonomike dhe financiare. "Edukimi për publikun është një zgjedhje inteligjente e studentëve, pasi ky proces ndihmon në kuptimin nga qytetarët të koncepteve bazë që u shërbejnë atyre por dhe zhvillimeve në vend. Ne do të vijojmë të mbështesim aktivitete të tilla dhe do të jemi në krah të studentëve", u shpreh Prof. Kule.
Më pas aktiviteti vazhdoi me diskutimet e studentëve, pedagogëve dhe ekspertëve të pranishëm.
Në linqet më poshtë mund të informoheni më shumë rreth aktivitetit:
- ABC Tirana Club organizon Forumin e diskutimit ne Fakultetin e Ekonomisë
- Trailer i projektit të ABC Tirana Club: "Kursim apo Investim - Kur është koha?"