Objektivat dhe veprimtaritë formuese të programit të studimit

Objektivi kryesor i programit të studimit Bachelor në Informatikë Ekonomike është t’u japë studentëve njohuritë bazë formuese në fushën e bazave të të dhënave, programimit, multimedias, etj me objektiv kryesor formimin e specialistëve të informatikës së aplikuar në biznes dhe për realizimin e studimeve të avancuara në këtë fushë. Për realizimin e këtij objektivi programi parashikon studime në fusha të tilla bazë si gjuhët e programimit, arkitektura e kompjuterave, sistemet e operimit, algoritmikë, strukturë të dhënash, etj., të kombinuara me njohuritë në fusha të tjera si statistikë, ekonometri, matematikë e zbatuar në ekonomi, mikroekonomi, makroekonomi, etj.

Sistemi i njohurive që ofrohet nga ky program dhe kompetencat që përftojnë studentët nëpërmjet tij, u mundësojnë atyre edhe ndjekjen e një karriere kërkimore apo akademike nëpërmjet vazhdimit të studimeve të ciklit të dytë, duke rritur kështu mundësinë e karrierës së tyre profesionale.

Veprimtaritë formuese:

1. Lëndë të formimit të përgjithshëm: Matematikë 1, Hyrje në Ekonomi, Matematikë 2, Mikroekonomi, Makroekonomi, Bazat e Statistikës, Statistikë e Zbatuar;
2. Lëndë të formimit karakterizues: Hyrje në Informatikë, Algoritmikë, Programim në Java, Organizim i Sistemeve Kompjuterike, Struktura të të Dhënave, Arkitekturë dhe Vlerësim Kompjuterash, Sisteme Shfrytëzimi, Programim në C++, Komunikim të Dhënash dhe Rrjeta Kompjuterike, Matematikë e Zbatuar, Ekonometri, Teori e Bazave të të Dhënave, Programim në Internet, Sisteme Informacioni të Drejtimit;
3. Lëndë integruese: Marketing, Menaxhim, Kontabilitet Financiar, Drejtim Financiar;
4. Lëndë me zgjedhje: Multimedia/Grafikë Kompjuterikë/Software Aplikativ, Etikë Biznesi/Inovacion;
5. Lëndë të formimit plotësues: Gjuhë e Huaj 1, Gjuhë e Huaj 2, Shkrim Akademik, Çështje Ligjore të Informatikës;
6. Praktika;
7. Diploma.

Skema e vlerësimit

Shkalla e përvetësimit të programit mësimor vlerësohet me sistem notash nga 1 në 10, ku notat kanë kuptimin e mëposhtëm: 1-4 mbetës, 5 mjaftueshëm, 6 kënaqshëm, 7-8 mirë, 9 shumë mirë, 10 shkëlqyer.

Mundësia për studime të mëtejshme

Studenti, i cili diplomohet në programin e studimit Bachelor në Informatikë Ekonomike pranohet të vazhdojë një program studimi të ciklit të dytë.

Mundësitë e punësimit dhe të kualifikimit profesional

Studenti, i cili zotëron një diplomë të tillë mund të punësohet në institucione të ndryshme, kompani (publike ose private), organizata të ndryshme, si specialist në sektorin e Teknologjisë së Informacionit, në sektorin publik dhe privat.