Departamenti i Financës organizoi Ditë Informimi me studentët e vitit të tretë të degës Bachelor në Financë në lidhje me programet Master që ofron Departamenti.

Studentët u njohën me planet mësimore të studimeve në Masterin e Shkencave në Financë, Masterin e Shkencave në Menaxhim Risku, Masterin Profesional në Financë dhe Masterin Profesional në Financë, Kontabilitet dhe Auditim (në bashkëpunim me Departamentin e Kontabilitetit).

Gjithashtu u prezantuan mundësitë për karrierë profesionale që ofrojnë këto programe studimi në tregun e punës, si dhe përshtatja me kualifikimet e mundshme ndërkombëtare në fushën e financës.

Departamenti i Financës ju uron suksese në sezonin e provimeve!